"Unha primavera para Aldara"

de Teresa Moure, dirixida por Xulio Lago

será representada por Teatro do Atlántico

no Teatro Jofre de Ferrol, o venres, 28 de Novembro

A nosa felicitación á Asociación “Amigos do Teatro Jofre” organizadora deste acto e aos participantes na presentación coloquio, Xulio Lago (Director) Teresa Moure (Autora) Maria Bouzas e Belén Constela (Actrices) e Luma Gómez (Presidenta de Amigos do Jofre ).
Cada un desde a súa perspectiva, déronnos unha visión completísima da obra, desde o punto de vista literario e argumental, da dramaturxia, montaxe, interpretación, dirección…. Enriquecido coas intervencións dos asistentes e coa lectura dramatizada dalgúns fragmentos.
Teresa Moure e Teatro do Atlántico apostan aquí por un teatro de sentimentos e emocións, cargado de mensaxe social, perfectamente actual, malia situar a acción nun convento galego en época das guerras Irmandiñas.

Como ben dí o programa de man:

“Transcendendo a época do drama, a autora sitúanos diante duns conflictos de absoluta actualidade, como son a liberdade na elección sexual, a loita da muller pola igualdade, a violencia de xénero, a tolerancia, a posta en cuestión da xerarquía eclesiástica, as valoracións morais dos comportamentos humanos….

O obra posibilita a posta en valor dunha dramaturxia histórica, abordada, neste caso, cunha exquisita riqueza literaria e apoiándose nunha estructura teatral absolutamente contemporánea.”